新一年，點先可以有更旺嘅桃花？
各位未出pool嘅男士，就要睇呢度啦，女仔真正心理解讀：
女仔問：「我係唔係肥咗？」
其實，佢係希望男人會留意佢嘅轉變，最好加上一啲昵稱，令你哋更加親密。
正確答案：「係啊，肥婆。」
女仔話：「我有啲唔舒服。」
其實，佢係委婉咁關心緊你嘅身體，又驚太過直接，會冇咗矜持。作為貼心嘅男士，千祈唔好令女仔擔心。
正確答案：「哦，我冇唔舒服。」
女仔話：「呢個袋好靚，但有少少貴……」
其實，佢都知道自己唔應該買，係想你制止佢嘅不理智消費。
正確答案：「唔好買，嘥錢。」
女仔話：「附近開咗一間新餐廳，我又唔想一個人去食。」
佢明顯想搵人陪佢食飯，但又唔直接約你，咁佢肯定係想多方面了解你身邊嘅人，為你哋嘅未來做好準備。
正確答案：「我叫我阿媽陪你去。」
身邊有追緊女仔嘅男士，都歡迎Share畀佢哋，等大家了解女仔不為人知嘅內心世界。
祝大家新一年桃花旺到爆！
#觀點僅代表本人立場 #不代表廣大女性意見 #免責聲明
#tomatochan #陳美濤
Search